Më 2 prill, Donald Trump shpalli një ditë çlirimi për SHBA-në, duke shpallur tarifa për importet nga 60 vende me të cilat SHBA ka marrëdhënie tregtare.
Megjithatë, ky vendim mund të ketë një ndikim negativ në Kupën e Botës së ardhshme 2026 në Kanada, Shtetet e Bashkuara dhe Meksikë.
Tarifat e përgjithshme do të hyjnë në fuqi më 5 prill, që do të thotë se vendet e listuara nga Trump do të përballen me këto barriera të reja tregtare.
Për shembull, Kina do të goditet me një tarifë 34 për qind, Japonia me 24 për qind, India me 26 për qind, vendet e BE-së me 20 pë qind, dhe Ukraina me një minimum prej 10 për qind.
“Unë dyshoj se disa sponsorë tani po rivlerësojnë se si planifikojnë të ‘aktivizojnë’ marrëveshje të tilla në SHBA, duke marrë parasysh barrierat tregtare që janë vendosur”, deklaroi strategu i ngjarjeve sportive, John Zerafa.
“Pse një sponsor do të shpenzonte miliona euro për këtë nëse shitja në Amerikë tani është e kufizuar?”, shtoi ai.
Ndër ata që mund të preken më shumë nga vendimi i presidentit amerikan janë partnerët globalë Hyundai-Kia, Aramco, Lenovo dhe Qatar Airways.
