Mesfushori i Dinamo Zagrebit, Petar Sucic, ka ateruar në Milano para se t’i nënshtrohet testeve mjekësore me Interin.
21-vjeçari do t’i bashkohet ‘Nerazzurrëve’ për sezonin 2025/2026, por është i gatshëm të nënshkruajë sot kontratën me gjigantin italian.
Sucic tashmë e kishte konfirmuar marrëveshjen me Interin disa ditë më parë përmes rrjeteve sociale.
Është bërë e ditur se për transferimin e tij, Interi do të paguajë 14 milionë euro, plus 2.5 milionë euro të tjera shtesa.
Kroati pritet që të jetë prezent sot (e hënë) në ‘Giuseppe Meazza’ për të përcjellë ndeshjen e Interit ndaj Fiorentinës.
