Barcelona ka marrë një lajm pozitiv sa i përket gjendjes shëndetësore të Ronald Araujos pas fitores me rezultat 4-1 ndaj Sevillës.
Blaugranasit e shfrytëzuan mundësinë e tyre pas barazimit me rezultat 1-1 në vikend në derbin e Madridit.
Katër gola të shënuar siguruan një tjetër fitore me dominim të Barcelonës kjo falë formës fantastike të Robert Lewandowskit dhe Raphinhas.
Sidoqoftë, udhëtimi në ‘Estadio Ramon Sanchez Pizjuan’ nuk ishte aq i mirë për Flick, me Fermin Lopez që u ndëshkua me karton të kuq dhe Ronald Araujo pësoi një lëndim të hershëm.
“Ne po presim rezultatet e testeve dhe shpresojmë se nuk është shumë serioze. Kjo është çfarë duket për momentin”, ka thënë Flick.
Shenjat e para paralajmërojnë se Araujo do të mbetet për pak kohë jashtë fushave dhe me gjasë nuk do të luajë ndaj Rayo Vallecanos më 17 shkurt.
