Shkup, 17 prill – Zjarri në Koçan sot e mori viktimën e 62-të. Bëhet fjalë për pacient, i cili nga dita e parë, në pajtim me triazjin e kryer fillestar nga ekipet mjekësore, menjëherë ishte nisur për mjekim në Akadmeinë ushtarako-mjekësore në Beograd dhe i cili ishte intubuar dhe në gjendje kritike gjatë muajit të kaluar, informuan kompetentët në konferencën për shtyp që u mbajt sot pasdite në Ministrinë e Shëndetësisë.
Profesori Andrian Kartalov, udhëheqës në KARIL, sqaroi se për shkak të peshës së lëndimeve të të vdekurit në rrugët e sipërme të frymëmarjes dhe mushkërive, si dhe të djegurave në lëkurë, ekipi për triazh vendosi ta transportojë pacientin në Akadmeinë ushtarako-mjekësore në Beograd.
Me kontaktet që i kemi me kolegët nga Beogradi, morën informatë se që prej fillimit, pacienti ishte në gjendje kritike.
“Përkeqësimi u paraqit në orët e hershme. Pacieti iu nënshtrua plagëve sot, diku rreth orës 11:15”, sqroi Kartallov.
Zëvendësministri i Shëndetësisë, Jovica Andovski tha se viktima është Stojançe Stefanov nga Koçani, i lindur në vitin 2001.
“Bëhet fjalë për pacient, i cili që prej ditës së parë, në pajtim me triazhin e kryer fillestar nga ekipet mjekësore, menjëherë është[ dërguar për mjekim në Akadminë ushtarako-mjekësore në Beograd dhe i ciliishte intubuar dhe në gjendje kritike në muajin e kaluar. Bëhet fjalë për pacient me 27 për qind përfshirje të djegieve dhe lëndimeve serioze nga thithja e tymit. Në AUM-Beograd është operaur më 4 prill dhe është vendosur në aparat EKMO, përmes të cilit oksigjenohet gjaku përmes aparatit, për shkak të tymit të thithur. Por, për shkak të seriozitetit të lëndimeve, ai pjesën më të madhe të hospitalizimit ishte jostabil dhe në gjendje të rëndë të përgjithshme”, sqaroi Andovski.
Në konferencën e sotme për shtyp u cek se edhe dy pacientë të cilët po mjekohen jashtë vendit, nga gjithsej 45, janë në gjendje relativisht kritike shëndetësore.
Zjarri në diskotekën “Puls” në Koçan ndodhi herët në mëngjesin e 16 marsit. Jetën e humbën 62 persona, ndërsa me lëndime janë rreth 200.
