YouTube po përpiqet t’ua bëjë më të lehtë kanaleve që të rrisin audiencën e tyre me funksionin “Hype”.
Menjëherë pas lançimit të një eksperience të re, YouTube njoftoi një tjetër veçori që thuhet të ndihmojë krijuesit e vegjël me dukshmërinë e tyre në algoritëm.
Platforma më e madhe e transmetimit, YouTube, ka një numër jashtëzakonisht të lartë krijuesish.
Por, nuk është vetëm numri që është befasues, por edhe shumëllojshmëria e përmbajtjes që prodhojnë, nga gatimi dhe lojërat te muzika dhe grimi.
Kjo e bën shumë të vështirë të bëhesh një krijues i mirënjohur i YouTube me miliona abonentë dhe akoma më shumë miliona shikime për video, shkruajnë mediat e huaja, përcjell Telegrafi.
Fatmirësisht, YouTube po përpiqet të ngrejë disa nga përmbajtjet që krijuesit më të vegjël publikojnë në platformën e tij.
Hype mund të përdoret nga fansat në videot që janë publikuar për më pak se 7 ditë.
Është gjithashtu e rëndësishme të theksohet se vetëm videot e publikuara nga krijuesit që kanë nën 500,000 abonentë mund të reklamohen.
Sa më shumë reklamë t’i bëhet një videoje, aq m lartë ngjitet në tabelën e liderëve në YouTube me 100 videot më të larta të reklamuara të javës.
Bëhet e ditur se në të ardhmen, YouTube do t’i lejojë fansat të blejnë reklama shtesë, duke zhbllokuar kështu një rrjedhë tjetër të ardhurash për krijuesit.
Sipas aplikacionit, në katër javët e para të testeve beta në Turqi, Tajvan dhe Brazil, përdoruesit hynë mbi 5 milionë herë në më shumë se 50,000 kanale unike.
