Zëvendësministrja e mbrojtjes Elfet Ismaili ishte pjesëmarrëse e punimeve të Forumit Rajonal të Sigurisë George C. Marshall që shqyrtoi temën: “NATO dhe Bashkëpunimi i Sigurisë në Ballkanin Perëndimor: Ndërtimi i qëndrueshmërisë përmes bashkëpunimit”, që për disa ditë me rradhë mbahet në Ohër. Ngjarja në fjalë zhvillohet nën patronazhin e Qendrës Europiane për Studime të Sigurisë dhe e njejta mban disa panele diskutimi me pjesëmarrës të shumtë të fushës së mbrojtjes dhe sigurisë nga vendi ynë nga vendet e Ballkanit Perëndimor dhe nga vendet anëtare të NATO-s. Në fjalën e saj para të pranishmive, zëvendësministrja Ismaili parimisht duke shprehur falenderimet ndaj organizatorëve, nderin dhe kënaqësinë e të qenurit pjesë e panelit dhe njëkohësisht duke i përgëzuar panelistët për diskutimet, theksoi rëndësinë e bashkëpunimit të vendeve të BP, si fakor kryesor të demokracisë dhe prosperitetit në rajon. Me këtë rast, ajo vuri në dukje sfidat e shumta dhe kërcënimet ndaj sigurisë duke shtuar se tashmë nuk ka asnjë vend që është i përjashtuar nga të njejtat, me theks të veçantë duke përmendur edhe ndikimet nga jashtë të disa shteteve që me politikat dhe me qasjen e tyre, përbëjne rrezik për sigurinë e rajonit. Në këtë kontekst, zëvendësministrja Ismaili u ndal edhe në gjetjen e mënyrave dhe mekanizmave sa më të mirëfillta politike që rajoni ynë duhet të përdorë për përballjen me sfidat dhe kërcënimet. Orientimin euroatlantik, si dhe përkushtimin për t’u përafruar me vlerat e përcaktuara euroatlantike, të bazuara në parimet e demokracisë, lirisë individuale dhe shtetit të së drejtës , zëvendësministrja Ismaili, i bazoi si pikë përbashkuese dhe si synim përfundimtar të vendeve të Ballkanit Perëndimor, njëherit duke nënvizuar se këto vende, me një lidership të mirfilltë duhet zbatuar edhe reformat e nevojshme politike, duke ndjekur bashkëpunimin gjithnjë e më të zgjeruar ekonomik, tregtar dhe financiar. Zëvendësministrja mes tjerash, konkludoi se rajoni dhe bota kanë nevojë për NATO-n dhe BE-në në një arenë të përbashkët dhe se tashmë duhet t’i jepet prioritet qëndrueshmërisë demokratike dhe forcimit të Aleancës dhe BE-së sepse kjo është thelbësore për të garantuar paqen dhe sigurinë, si në Evropë ashtu edhe në mbarë globin. Në fund u nënvizua se përmes bashkëpunimit për t’u përballuar me sfidat strategjike të vendeve dhe të rajonit tonë bashkarisht, i njejti është më i qëndrueshëm dhe më stabil, duke mos i anashkaluar as iniciativat rajonale të cilat janë jetike për ndërtimin e qëndrueshmërisë ndaj sfidave të ardhshme me të cilat vendet tona dhe i tërë rajoni do të duhet të përballet.
Zëvendësministrja e mbrojtjes Elfet Ismaili mori pjesë në Forumin Rajonal të Sigurisë George C. Marshall në Ohër
