Shkup/Sofje, 03 Prill, argument.mk/ – Sipas Zëvendësministrit të Punëve të Jashtme të Bullgarisë, Marin Raykov, mbi 210 000 persona banorë të Maqedonisë së Veriut kanë deklaruar dhe kanë paraqitur dokumente se janë me origjinë etnike bullgare, një pretendim ky i cili vjen në kohën kur Bullgaria e shton presionin ndaj Shkupit për të përfshirë bashkësinë bullgare ne kushtetuën e vendit.
“Po flasim për ata që kanë ardhur në territorin e Bashkimit Evropian për të deklaruar origjinën e tyre bullgare. Dhe gjëja më e rëndësishme është që ata të paraqesin dokumente që vërtetojnë këtë origjinë. Dhe këta 210,000 njerëz janë padyshim një pjesë e njerëzve që kanë një vetëdije të tillë. Në Republikën e Maqedonisë së Veriut, në çdo rast, po flasim për një grup të konsiderueshëm.”Mbi 210,000 persona nga Republika e Maqedonisë së Veriut kanë vërtetuar origjinën e tyre bullgare me dokumente,” tha Raykov për televizionin bullgar BNT.
Raykov, ndërkohë rikujtoi qëndrimin e Bullgarisë dhe të Bashkimit Evropian se Maqedonia e Veriut do të duhej që të ndryshojë kushtetutën e saj e të përfshijë bashkësinë bullgare në të, në mënyrë që të mund të vazhdojë bisedimet për anëtarësim.
