Departamenti amerikan i Shtetit ka miratuar zyrtarisht shitjen e më shumë se 3000 raketave ERAM dhe pajisjeve për Ukrainën, me një vlerë totale prej 825 milionë dollarësh.
Kjo marrëveshje përbën një ndihmë të rëndësishme ushtarake për Ukrainën në përpjekjet për të forcuar mbrojtjen dhe kapacitetet e saj ushtarake në mes të konfliktit aktual.
Për pagesën e kësaj kontrate, Ukraina do të marrë mbështetje financiare nga disa vende anëtare të NATO-s, përfshirë Danimarkën, Holandën dhe Norvegjinë, të cilat po kontribuojnë në mënyrë aktive për të ndihmuar Ukrainën në këtë periudhë të vështirë.
Gjithashtu, kjo shitje do të mbulohet edhe nga ndihma ushtarake e mëparshme e alokuar nga Shtetet e Bashkuara të Amerikës, duke reflektuar përpjekjet e vazhdueshme të aleatëve për të mbështetur sigurinë dhe stabilitetin në rajon.
Kjo marrëveshje është pjesë e një strategjie më të gjerë për të fuqizuar kapacitetet mbrojtëse të Ukrainës dhe për të siguruar që ajo të jetë e pajisur me teknologji dhe armë të avancuara përballë kërcënimeve që po përballet aktualisht.
Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale.
