Shkup, 4 prill argument.mk/ – Moti sot do të jetë i ndryshueshëm me vranësira me periudha dielli. Kryesisht në pjesët lindore do të ketë shi të kohëpaskohshëm lokal dhe kushte për paraqitje të bubullimave të rralla. Do të fryjë erë mesatare deri e përforcuar, kohë pas kohe edhe erë e fuqishme nga drejtimi verior (mbi 70 km/h).
Temperatura minimale do të lëvizë në interval prej 2 deri 8, ndërsa ajo maksimale do të lëvizë prej 11 deri 18 gradë, njoftoi Drejtoria për Punë Hidrometeorologjike (DPHM).
Në Shkup moti do të jetë i ndryshueshëm me vranësira. Do të fryjë erë mesatare deri e fuqishme nga drejtimi verior. Temperatura minimale do të bie deri në 7, ndërsa ajo maksimale do të arrijë deri 16 gradë.
Nga e diela do të mbizotërojë mot me diell dhe i ngrohtë me vranësira të vogla deri mesatare, përveç të mërkurën kur priten reshje lokale të shiut.
