Kina publikoi një udhëzues për promovimin e zhvillimit të qyteteve të zgjuara dhe transformimit digjital urban për ta bërë menaxhimin urban më të zgjuar.
Deri në vitin 2027, Kina pret të shohë përparim të rëndësishëm në transformimin digjital të zonave urbane dhe të ketë ndërtuar një numër qytetesh të jetueshme, elastike dhe të zgjuara, sipas dokumentit të publikuar nga zyra kombëtare e të dhënave dhe disa departamente të tjera qeveritare, bën të ditur “Xinhua”.
Udhëzuesi synon të thellojë integrimin midis teknologjive digjitale dhe ekonomisë, qeverisjes dhe jetës nëpërmjet zhvillimit urban, të kombinojë të dhënat në të gjithë ciklin e zhvillimit të qyteteve dhe të koordinojë progresin teknik dhe inovacionin institucional, tha Chen Ronghui, nënkryetari i zyrës kombëtare të të dhënave.
“Për të lehtësuar zhvillimin me cilësi të lartë, qeverisjen me efikasitet dhe jetën me cilësi të lartë në zonat urbane, integrimi dhe zhvillimi i të dhënave do të përfshihen në të gjithë procesin e transformimit digjital urban”,- tha Chen. (Elona)
