West Ham United ka njoftuar zyrtarisht transferimin e mbrojtësit Aaron Wan-Bissaka nga Manchester Unitedi.
Transferimi prej 15 milionë funtesh i Wan-Bissaka në West Ham është zyrtar, konfirmoi Manchester United të martën pasdite.
“Ne dëshirojmë të falënderojmë Aaron për kontributin e tij në klub dhe i urojmë atij gjithë të mirat për të ardhmen”, thuhet në njoftimin e Djajve të Kuq.
Disa minuta më vonë erdhi zyrtarizimi edhe nga klubi londinez.
“West Ham United është i kënaqur të njoftojë nënshkrimin e Aaron Wan-Bissaka. Mbrojtësi i djathtë, 26 vjeç, i bashkohet Hammers nga Manchester United në një kontratë shtatëvjeçare për një tarifë të pazbuluar”, shkruan faqja zyrtare e Çekanëve.
26-vjeçari është larguar nga Old Trafford në një transferim të përhershëm, duke nënshkruar një kontratë 7-vjeçare me klubin nga londinez.
United do të zëvendësojë mbrojtësin e krahut me Noussair Mazraoui të Bayern Munichut, pasi ranë dakord për një marrëveshje prej rreth 20 milionë eurosh.
