Blue Origin ka treguar datën e lëshimit të parë të raketës New Glenn, e cila do të përdoret për misionin e agjencisë amerikane të hapësirës NASA të quajtur Escapade Mars.
Blue Origin njoftoi se New Glenn do të nisë udhëtimin e parë më së largu më 13 tetor dhe se do të transportojë në hapësirë dy sonda, të cilat janë prodhuar për NASA-n nga Rocket Lab.
Ky do të jetë fluturimi i parë i raketës New Glenn pas vitesh vonesa në zhvillimin e saj. Periudha e nisjes fillon më 29 shtator dhe zgjat deri në mes të tetorit.
Nisja do të bëhet nga Kompleksi i Nisjes Hapësinore 36 në Stacionin e Forcave Hapësinore në Cape Canaveral, Florida. Anija kozmike mbërriti në Florida më 19 gusht dhe filluan përgatitjet për integrimin me raketën.
Tani kompania Blue Origin është nën presion për të përfunduar të gjitha përgatitjet në kohë. Kohët e fundit, në fabrikë pati probleme, të cilat rezultuan në dëmtimin e harduerit për fluturimin e dytë dhe të tretë të raketës New Glenn. Megjithatë, një zëdhënës i kompanisë tha se gjithçka po shkon sipas planit për lëshimin e parë të këtij viti.
