Tanket izraelite përparojnë në Deir el-Balah në Gazën qendrore, ndërsa avionët izraelitë bombardojnë kampin e afërt të refugjatëve Maghazi.
Forcat izraelite kanë bombarduar dy zona të ndryshme në veri të qytetit të Gazës. Sipas Mbrojtjes Civile Palestineze, numri i viktimave nga sulmet është nëntë të vdekur të cilët u gjetën nga ekipet e shpëtimit.
Këtë e raportoi Al Jazeera, duke specifikuar se pesë persona u vranë në një sulm në ndërtesën Al-Taj në rrugën Yarmouk, i cili gjithashtu shkaktoi lëndime të shumta. Katër të tjerë vdiqën në një sulm në rrugën Jaffa, në lagjen Tuffah. Mes viktimave ka edhe fëmijë.
Kombet e Bashkuara janë detyruar të ndalojnë operacionet e ndihmës në Gaza, pasi Izraeli urdhëroi evakuimin masiv të Deir el-Balah, ku OKB kishte vendosur qendrën e saj të operacioneve pas zhvendosjes nga Rafah, kur forcat izraelite nisën pushtimin tokësor në fillim të këtij viti.
Një nga spitalet e fundit funksionale të Gazës është zbrazur ditët e fundit pasi Izraeli ka urdhëruar evakuimin e zonave aty pranë dhe ka sinjalizuar një operacion të mundshëm tokësor në një tjetër qytet.
Spitali i Martirëve Al-Aksa në Deir al-Balah është spitali kryesor që i shërben Gazës qendrore. Ushtria izraelite nuk ka urdhëruar evakuimin e saj, por pacientët dhe njerëzit që strehohen atje kanë frikë se mund të përfshihet në luftime ose të bëhet objektiv i një bastisjeje.
Të paktën 40,435 njerëz janë vrarë dhe 93,534 janë plagosur në luftën e Izraelit në Gaza . Rreth 1,139 njerëz u vranë në Izrael gjatë sulmeve të udhëhequra nga Hamasi më 7 tetor.
