Autoritetet në Japoni kanë lëshuar një paralajmërim urgjent të mërkurën pasi tajfuni i fuqishëm Shanshan iu afrua rajonit jugperëndimor me shi të dendur dhe erëra të forta.
Kjo ndër tjerash ka bërë që Toyota Motor të pezullojë funksionimin në të gjitha fabrikat e saj vendase, shkruajnë mediat e huaja.
Ndërkohë autoritetet lëshuan urdhra evakuimi për më shumë se 800,000 banorë në prefekturën Kagoshima në Kyushu dhe prefekturat qendrore Aichi dhe Shizuoka.
Siç bëhet e ditur më tej, Toyota do të pezullojë operimet e të 14 fabrikave në Japoni nga e mërkura në mbrëmje deri të enjten në mëngjes.
Tajfuni Shanshan është moti i fundit i ashpër që ka goditur Japoninë pas tajfunit Ampil të javës së kaluar, i cili gjithashtu çoi në ndërprerje dhe evakuime.
