Manchester United ka mbetur pa trajner, pasi kanë shkarkuar holandezin Erik Ten Hag.
Megjithatë Djajtë e Kuq nuk kanë humbur shumë kohë dhe kanë gjetur tanimë pasuesin e holandezit në Old Traford.
Ruben Amorim pritet të jetë trajneri i ri i gjigantit anglez dhe tanimë ata kanë marrë përgjigje pozitive nga trajneri.
Por problemi qëndron se Amorim është nën kontratë me Sportingun e Lisbonës dhe Djajtë e Kuq duhet të paguajnë një klauzolë për ta marrë atë.
“Ruben Amorim i ka dhënë fillimisht dritën e gjelbër Man United. Ai dëshiron t’i bashkohet klubit, të pranojë projektin dhe kushtet e diskutuara”.
“Amorim respekton Sportingun… dhe kështu varet nga negociatat klub me klub tani. Klauzola e largimit për klubet kryesore është rreth 10 milionë euro”, ka raportuar Fabrizio Romano.
