Shkup, 17 dhjetor – Me datë 16.12.2024 në ora 15:45 në Shkup, në zonën e Gazi Babës, nëpunës policorë nga Njësiti i policisë intervenuese në SPB Shkup e kanë privuar nga liria A.K (24) nga Shkupi.
Gjatë kontrollit iu gjetën dhe iu morën më shumë se 200 pako me lëndë pluhuri të bardhë, lëndë pluhur kafe dhe lëndë të bardha kokrrizore dhe një peshore digjitale me mbetje të pluhurit.
“Më pas, me urdhër të gjykatës, nëpunësit policorë nga Njësiti për tregti të paligjshme në SPB Shkup, kanë kontrolluar shtëpinë e tij, ku kanë gjetur dhe konfiskuar 37 fishekë të kalibrit të ndryshëm. Personi është ndaluar në stacionin policor dhe pas dokumentimit të plotë të rastit, në koordinim me prokurorin publik, me procedurë të shpejtë ndaj tij do të bëhet kallëzim përkatës”, theksohet në kumtesën e MPB-së.
