Shkup, 22 prill – Prokuroria e kushtëzon propozimin e Asmir Jahoski, i cili është i dyshuar lidhur me hetimin për furnizimin e mazutit për TEC Negotinë, për shfuqizimin e masës së shqiptuar më parë në zëvendësim për pasuri të patundshme në vlerë prej 1,16 milionë euro dhe masa të kujdesit – ndalesë që të largohet nga vendbanimi, detyrim që përkohësisht të paraqitet para organit shtetëror kompetent dhe marrje të përkohshme të pasaportës ose dokumenteve të tjera.
Nga PPRMV, informojnë se prokurori publik nga Prokuroria Themelore Publike për Ndjekjen e Krimit të Organizuar dhe Korrupsionit – PTHP NKOK ka dorëzuar mendim lidhur me Propozimin për heqjen e masës paraburgim me propozim garanci, të parashtruar nga i dyshuari për vepër të kryer penale – “Pastrim parash dhe të ardhura të tjera nga veprat penale”.
“Në mendim, prokurori publik theksoi se propozimi i të dyshuarit për heqjen e masës së paraburgimit dhe zëvendësimin e saj me masë garancie në patundshmëri në vlerë të llogaritur prej 60 672 235 denarë mund të jetë i bazuar vetëm nëse i dyshuari në të njëjtën kohë depoziton në llogarinë e posaçme gjyqësore shumën prej 72 000 000 denarë. Në rastin konkret, sipas dëshmive me të cilat disponon prokuroria, shuma prej 72 000 000 denarë përkon me shumën e përgjithshme të pasurisë së fituar në mënyrë të kundërligjshme për këtë të dyshuar, nga e cila në procedurë të mëtutjeshme mund të mblidhet çdo kërkesë e mundshme për dëmin.
Prokurori publik gjithashtu kërkoi që gjykata të shqiptojë të dyshuarit edhe masa të kujdesit duke përfshirë ndalimin e largimit nga vendbanimi, detyrimin për t’u paraqitur herë pas here te zyrtari i caktuar ose organi kompetent shtetëror dhe sekuestrimi i përkohshëm i një dokumenti udhëtimi ose tjetër për kalimin e kufirit shtetëror, ose ndalimi i lëshimit të tij. Në këtë drejtim, prokurori ka marrë parasysh edhe shkresat e çështjes, si dhe faktin që prokuroria ndërkohë kishte siguruar pjesën më të madhe të provave materiale dhe verbale, gjë që uli ndjeshëm rrezikun që ai të fshihte, falsifikonte apo asgjësonte gjurmët e krimit apo të pengonte ndjekjen penale duke ndikuar mbi dëshmitarët.
Sipas mendimit të dhënë, vetëm me përcaktimin e të gjitha masave të theksuara më lart prokuroria do të vlerësojë se janë përmbushur kushtet për shfuqizimin e masës paraburgim të shqiptuar më parë.
Këshilli Penal pranë Gjykatës Themelore Penale Shkup, duke vepruar sipas ankesës së Prokurorisë Themelore Publike për Ndjekjen e Krimit të Organizuar dhe Korrupsionit, më 14 mars të këtij viti solli vendim me të cilën masa e arrestit shtëpiak për Asmir Jahoski lidhur me hetimin për furnizim të mazutit për TEC Negotinë, ridrejtohet dhe përcaktohet masa e paraburgimit në kohëzgjatje prej 30 ditësh.
