Rusia ka shpallur armëpushim të njëanshëm 72-orësh në Ukrainë.
Ajo gjithashtu i ka bërë thirrje Kievit “që të pajtohet me pauzën”, shkruajnë mediat e huaja, përcjell Telegrafi.
Presidenti Vladimir Putin tha të hënën pasdite se forcat ruse do të zhvillojnë luftime nga mesnata e 8 majit deri në mesnatën e 10 majit.
Njoftimi vjen mes presionit në rritje nga Shtetet e Bashkuara që Moska të bie dakord për një armëpushim të plotë në konflikt.
Rusia do të shënojë 80 vjetorin e përfundimit të “Luftës së Madhe Patriotike”, që është termi i saj për luftën me Gjermaninë në 1942-1945, e njohur si Lufta e Dytë Botërore për aleatët e saj të atëhershëm, më 9 maj.
Në një deklaratë, Kremlini i bëri thirrje Kievit që t’i bashkohet armëpushimit të përkohshëm, por u zotua se në rast të shkeljeve nga pala ukrainase, forcat e tij të armatosura do të japin një “përgjigje adekuate dhe efektive”.
