Sipas zyrtarëve, Chrome mund të ketë probleme nëse ndahet nga Google.
Duke dëshmuar gjatë gjyqit antitrust për Google Search, drejtoresha e përgjithshme e Chrome, Parisa Tabriz, theksoi se veçoritë dhe funksionaliteti i shfletuesit Chrome varen tërësisht nga pjesë të tjera të kompanisë.
Ajo theksoi se 90 përqind e kodit të Chromium ka ardhur nga Google që nga viti 2015, transmeton Telegrafi.
Google është e vetmja kompani që mund të ofrojë nivelin e karakteristikave dhe funksionalitetit që ofron sot shfletuesi i saj i njohur i internetit Chrome, duke pasur parasysh ndërvarësinë e saj me pjesë të tjera të njësive të Alphabet Inc, dëshmoi kreu i Chrome gjatë gjyqit.
Disa nga veçoritë e produktit, të tilla si modaliteti i Shfletimit të Sigurt ose një sistem që njofton përdoruesit nëse fjalëkalimi i tyre është kompromentuar, mbështeten në infrastrukturën e përbashkët të Google që nuk është ekskluzivisht brenda fushëveprimit të Chrome, tha ajo.
“Nuk mendoj se mund të rikrijohet”, shtoi Tabriz.
Google është nën hetim pas një vendimi gjykate të vitit të kaluar se ka monopol në kërkimin në internet, dhe e ardhmja e ofertës së gjerë të shërbimeve digjitale të kompanisë mbetet e pasigurt.
