Shkup, 18 maj – Ndonëse gjatë gjithë kohës paralajmëronte se i ka deputetët kompakt dhe të bashkuar rreth vetes, pas dorëheqjes së tij nga posti i ministrit të Shëndetësisë, Arben Taravari tashmë ka mbetur edhe pa grup parlamentar pasiqë deputeti nga zona e V zgjedhore Salim Sulejmani sot ka dhënë dorëheqje nga posti i deputetit duke dorëzuar kështu mandatin e duke i hapur rrugë kandidates së rradhës për deputete Valbona Adili Emini që të merr mandatin.
Vlen në anën tjetër para disa dite formoi grupin parlamentar prej 9 deputetëve me kordinator Bekim Qoku dhe dy zëvendës kordinator Adnan Azizi dhe Merita Koxhaxhiku, e që sipas lëvizjeve të fundit edhe deputetja Valbona Adili Emini pritet të bashkohet këtij grupi parlamentar duke e çuar kështu në 10 numrin e deputetëve, ndonëse eksponent të lartë të Vlenit këto ditë kanë deklaruar se numri i deputetëve të tyre pritet të rritet edhe më shumë.
Sipas rregullores së Kuvendit, për të formuar një grup parlamentar nevojiten të paktën pesë deputetë. Kjo do të thotë se ASH-ja humbet statusin e grupit parlamentar, duke sjellë pasoja të rëndësishme për funksionimin dhe ndikimin e saj në Kuvend.
Nuk ke përfaqësim të strukturuar në Kuvend
Deputetët që nuk kanë grup konsiderohen të pavarur dhe nuk kanë një pozicion të organizuar kolektiv në punën e parlamentit.
Nuk merr pjesë në Këshillin e grupeve parlamentare
Grupet parlamentare kanë përfaqësues në këtë Këshill, i cili koordinon punën, ndan kohën për fjalime dhe vendos agjendën e seancave.
Kufizime në propozimin e ligjeve dhe pjesëmarrjen në komisione
Grupet kanë përparësi në iniciativat ligjore dhe pjesëmarrjen në punën e komisioneve parlamentare.
Nuk ka akses në financim dhe mbështetje administrative:
Grupet parlamentare marrin fonde, staf dhe zyre, ndërsa deputetët e pavarur jo.
Humbje simbolike dhe politike
Partitë pa grup parlamentar shihen si të dobëta ose të ndara, gjë që ndikon në pozitën e tyre politike.
Ky zhvillim vjen në një kohë kur ASH-ja, e udhëhequr nga Arben Taravari, është përballur me sfida të brendshme dhe lëvizje politike që kanë ndikuar në stabilitetin e saj. Nëse nuk ndërmerren hapa për të rikuperuar numrin e nevojshëm të deputetëve, ASH-ja do të vazhdojë të funksionojë pa statusin e grupit parlamentar, duke ndikuar në efektivitetin e saj në Kuvend.
