Shkup, 18 maj – Deputeti i Alternativës dhe koalicionit VLEN, Bekim Sali, ka reaguar pas dorëheqjes së deputetit të ASH-së, Salim Sulejmani, duke thënë se as anëtarësia e as votuesi nuk e besojnë më teatrin e Taravarit.
“Sado që përpiqesh ta mbulosh, e vërteta është e thjeshtë: je me Ali Ahmetin dhe BDI-në. Nuk ka sharje, fyerje apo shpifje që e ndryshon këtë fakt. As votuesi, as anëtarësia nuk ta besojnë më teatrin. Ndryshimin nuk e ndalin statuset me mllef, as deklaratat e dëshpëruara. Ndryshimi ndodhi, është duke ndodhur dhe do të ndodhë — me ty apo pa ty”, ka shkruar deputeti Sali.
