Poezi nga: David Lerner
Përktheu: Fadil Bajaj
ekspertët e lajmeve
shesin me shumicë mençuri të lirë me çmime të ulëta
ekspertë me buzëqeshje të papërshkueshme nga zjarri
që ju thonë se si
të afroheni më shumë me qenin tuaj
pse miqësia është një investim i arsyeshëm
si të dihet kur
dashuria është më shumë bela se sa sevda
ekspertët e lajmeve
do t’ju udhëheqin nëpër
mundimet e pandershme dhe ekzotike të një mbretëreshe
bukurie me një shpjegim të mutsihantë
të padukshmen
si një fjalëkryq
rendisin çatajtë e luftës
në kolona të renditura me kujdes
marrin pjesë në një ndejë ditëlindjeje për tmerr
dhe aty japin
dhurata praktike
ata përpiqen të skicojnë rrugët tregtare
të trishtimit vullkanik
me koncepte aq të huaja për Zotin
ato mund të jenë
edhe instrumente torture
të projektuara për t’u përdorur ndaj fëmijëve
jam lodhur duke rënë në
vrimat e syve të tyre
në majë të hundës më kanë ardhur dëshmorët e citueshëm
dhe vdekja e së vërtetës me injeksion vdekjeprurës
unë nuk mund t’i kuptoj njerëzit
që gënjejnë me kaq zell
njeriu nuk e kupton asnjë fjalë që thonë
ose pse fati i mbrapshtë është produkt
që mund të emërojë çmimin e vet
pse njëfarë kurve prej gazetari e trullosur
mund të zgërdhihet në një sy çeliku aq fatalisht me fuqi
sa që ndyshon gjithçka që sheh
dhe na jep fytyrën e tij
si qurra në një gur të paçmuar
ai i prek flokët dhe buzëqesh
