Universiteti i Harvardit ka paditur administratën Trump mbi vendimin e presidentit Donald Trump për të revokuar aftësinë e shkollës për të regjistruar studentë ndërkombëtarë.
Reuters raporton se në një ankesë të paraqitur në gjykatën federale të Bostonit, Harvard e quajti revokimin një “shkelje të hapur” të amendamentit të parë të kushtetutës së SHBA-së dhe ligjeve të tjera federale.
Universiteti tha gjithashtu se revokimi kishte një “efekt të menjëhershëm dhe shkatërrues” për universitetin dhe studentët, shkruan the Guardian.
Raportohet se ndalimi i studentëve të huaj nga shkollimi në Harvard do të detyronte më shumë se 6,000 studentë ndërkombëtarë të regjistruar aktualisht atje të transferohen në universitete të tjera ose të humbasin statusin e tyre ligjor, sipas Departamentit të Sigurisë Kombëtare.
Ndryshe, sipas Departamentit Amerikan të Sigurisë Kombëtare, vendimi vjen pasi Harvardi ka nxitur një atmosferë të pasigurt të kampusit duke lejuar “anti-amerikanë, pro-terroristë” të sulmojnë studentët hebrenj.
Për më tepër, ajo pretendoi se Harvardi ka bashkëpunuar me Partinë Komuniste Kineze, duke pretenduar se ka pritur dhe ka ofruar trajnime për anëtarët e një organizate paraushtarake kineze deri në vitin 2024.
