Policia greke arrestoi 23 persona të dyshuar për kontrabandë të migrantëve të paligjshëm dhe falsifikim dokumentesh, ndërsa 26 anëtarë të tjerë të kësaj rrjete kriminale janë ende në kërkim.
Kjo bandë kishte fituar 4.865.200 euro përmes kontrabandës dhe falsifikimeve, ndërsa mes të arrestuarve është edhe udhëheqësi i grupit, i cili që nga fillimi i vitit 2024 prodhonte dokumente udhëtimi të falsifikuara për migrantët, raporton ERT.
Gjatë bastisjeve në katër lokacione në Athinë dhe Pire, u konfiskuan 4.831 dokumente të falsifikuara udhëtimi me vlerë 68.000 euro, ndërsa janë identifikuar edhe 558 migrantë që janë kontrabanduar në BE nga kjo grup.
Në varësi të mënyrës së transportit – tokësore, detare ose ajrore – çmimi për kalimin e migrantëve varionte nga 700 deri në 8.000 euro, ndërsa një dokument i falsifikuar kushtonte nga 400 deri në 600 euro.
