Kryeministrja italiane, Giorgia Meloni mirëpriti homologun e saj francez, Emmanuel Macron në Romë me një shtrëngim të fortë duarsh, një takim që shumë e interpretuan si një shenjë të afrimit diplomatik.
”Makron donte të sigurohej që Meloni dhe ai të mund të ecin përpara së bashku”, tha Pallati Elize.
”Ka disa pika që duhen sqaruar, veçanërisht në lidhje me mbështetjen për Ukrainën”, tha ai.
Fillimisht, asnjëra palë nuk dha detaje se si shkuan në të vërtetë bisedimet.
Takimi në Palazzo Chigi, selinë e qeverisë italiane, u konsiderua si një rivendosje diplomatike midis Parisit dhe Romës, edhe pse të dyja palët theksuan se nuk kishte pasur kurrë një periudhë të ftohtë.
Udhëheqësja e partisë së ekstremit të djathtë, ”Vëllezërit e Italisë”, tha javën e kaluar se ata kanë shumë të përbashkëta, por edhe dallime.
Ajo tha se është e rëndësishme të bisedohet, edhe përballë mosmarrëveshjeve.
”Italia është një partnere e rëndësishme”, tha Pallati Elize.
Marrëdhënia midis të dyve kohët e fundit është dukur e tensionuar.
Në Romë, udhëtimi i Macron në Kiev me kancelarin Friedrich Merz dhe kryeministrin britanik Keir Starmer shkaktoi acarim pasi Meloni nuk ishte e përfshirë.
Edhe në “Koalicionin e të vullnetshmëve” të iniciuar nga Macron për të mbështetur Ukrainën pas një armëpushimi, qëndrimet ndryshojnë: Italia kundërshton rreptësisht dërgimin e trupave.
Strategjitë e dy udhëheqësve ndryshojnë gjithashtu në qëndrimin e tyre ndaj presidentit të SHBA-së, Donald Trump.
Roma përqendrohet në afërsi dhe ndërmjetësim, ndërsa Parisi thekson pavarësinë evropiane.
