Agjenti i yllit të Liverpoolit, Mohamed Salah, ka zbuluar për tifozët e Liverpoolit planet për afatin kalimtar veror.
Pasi tashmë ishte e konfirmuar se Liverpooli ka mbetur jashtë garës për titull të Ligës Premier, për tifozët e Liverpoolit ndeshja e fundit e sezonit kishte rëndësinë e dhënies së lamtumirës për Jurgen Klopp.
Tifozët e Liverpoolit ishin të ‘shkatërruar’ nga ky lajm dhe e përdorën ndeshjen e së dielës ndaj Wolvesit në ‘Anfield’ për t’i dhënë lamtumirën Kloppit.
Përveç trajnerit, ajo që i shqetësonte më së shumti tifozët e klubit ishte e ardhmja e Mohamed Salah.
Sulmuesi egjiptian ishte lidhur me një kalim në Arabinë Saudite që nga vera e kaluar, dhe kishte raportime se do ta ndjekë Kloppin në rrugën e largimit nga Anglia.
Sidoqoftë, duket se 31-vjeçari nuk po shkon askund pasi këtë pretendon që e ka zbuluar një tifoz i klubit.
Gjatë ndeshjes së të diles, një tifoz i Liverpoolit postoi një fotografi me Ramy Abbas, agjentin e Salah.
Sipas tifozit, agjenti i ka thënë atij se Salahu nuk do të shkojë askund dhe se do të mbetet pjesë e Liverpoolit edhe për sezonin e ardhshëm.
