Ukraina qëndron prapa propozimit të saj që të përmbahet nga goditja e të paktën infrastrukturës civile.
Dhe një armëpushim afatgjatë duhet të jetë hapi i parë drejt një paqeje të besueshme.
Sipas Ukrinform, kjo është thënë nga presidenti ukrainas Volodymyr Zelensky gjatë një fjalimi të tij
“Ukraina i qëndron ofertës së saj – të paktën, për të mos goditur infrastrukturën civile. Dhe ne presim një përgjigje të qartë nga Moska. Ne jemi gati për çdo bisedë se si ta garantojmë këtë”, ka thënë ai.
Sipas tij, ekziston një mënyrë e qartë, më e thjeshtë dhe më e besueshme: ndalimi i sulmeve me raketa dhe me dron me rreze të gjatë.
“Vetëm kjo do të siguronte automatikisht sigurinë e të gjithë infrastrukturës civile. Një armëpushim – i vërtetë dhe i qëndrueshëm – duhet të jetë hapi i parë për të siguruar paqen”, citohet të ketë shtuar ai.
Ai tha se përfaqësuesit ukrainas – si në takimet e mbajtura në Paris ashtu edhe në takimet e planifikuara këtë javë në Londër – do të kishin një detyrë parësore lidhur me një armëpushim të pakushtëzuar.
“Paqja fillon në heshtje. Dhe vetëm kur ka heshtje të vërtetë dhe kur njerëzit i besojnë të gjithë procesit të negociatave, çështjet themelore mund të fillojnë të zgjidhen”, ka theksuar ai.
Sipas mediave ukrainase, vetëm të dielën, forcat ruse shkelën armëpushimin e shpallur nga udhëheqësi rus Vladimir Putin 2935 herë.
