Vlera e kriptomonedhave ra ndjeshëm gjatë javës në Azi, duke nënvizuar një ndjenjë të qartë të rrezikut në të gjithë tregjet.
Sipas mediave të huaja, përcjell Telegrafi, Bitcoin humbi rreth 7 për qind të vlerës së tij mbrëmjen e së dielës deri të hënën në mëngjes në Singapor për të arritur një pikë të ulët prej 77,077 dollarë.
Si Bitcoin ashtu edhe Ether më vonë “zvogëluan humbjet”.
Rënia vjen teksa presidenti i SHBA-së, Donald Trump vendosi tarifat gjithëpërfshirëse që tashmë kanë “fshirë” triliona dollarë në vlerë nga aksionet amerikane.
Politika e re e Trump vendos një tarifë prej 10% për shumicën e importeve, me norma edhe më të larta për vende specifike, si 34% për importet kineze dhe 20% për mallrat e BE-së.
Tregjet financiare janë alarmuar nga lëvizja agresive dhe investitorët po përgatiten për paqëndrueshmëri të zgjatur ekonomike.
