Një rast i vjedhjes së rëndë ka ndodhur në Deçan, ku viktima ka raportuar se i është vjedhur arma – një pistoletë me 15 copë fishek, për të cilën ai posedon leje.
Viktima ka njoftuar policinë më 26 mars 2025, duke theksuar se vjedhja ka ndodhur gjatë periudhës kur ai ka qenë jashtë shtetit.
Njësitë relevante të Policisë së Kosovës kanë dalë në vendin e ngjarjes dhe janë duke hetuar rastin.
Sipas autoriteteve, po merren të gjitha masat për zbardhjen e këtij rasti dhe identifikimin e personave të dyshuar.
