Rezidenca e kryeministrit libian Abdulhamid al-Dbeibah u shënjestrua me granata të dielën. Një ministër libian, i cili ka folur në kushte anonimiteti, ka konfirmuar se sulmi shkaktoi vetëm disa dëme materiale duke mos dhënë detaje të tjera, shkruajnë mediat e huaja,
Dy qytetarë thanë se kishin dëgjuar shpërthime masive pranë detit në lagjen luksoze Hay Andalus të Tripolit, shtëpia e rezidencës së kryeministrit Dbeibah.
Ndërsa një tjetër ka thënë se pasi janë dëgjuar shpërthimet masive, forca të shumta sigurie me mjetet e tyre janë vendosur rreth zonës.
Libia ka parë pak qetësi apo stabilitet që nga një kryengritje e vitit 2011, dhe u nda në vitin 2014 midis fraksioneve lindore dhe perëndimore, me administrata rivale që qeverisin çdo zonë.
Qeveria e Unitetit Kombëtar të Dbeibah u instalua përmes një procesi të mbështetur nga OKB-ja në vitin 2021, por parlamenti, në lindje, pushoi së njohuri legjitimitetin e saj në fund të atij viti, pas një përpjekjeje të dështuar për të mbajtur zgjedhje kombëtare, që çoi në bllokim të zgjatur politik.
Në fillim të marsit, tre udhëheqës kryesorë thanë se ranë dakord mbi “domosdoshmërinë” e formimit të një qeverie të re të unifikuar që do të mbikëqyrte zgjedhjet e vonuara prej kohësh.
Dhe Dbeibah është zotuar se nuk do t’ia dorëzojë pushtetin një qeverie të re pa zgjedhje kombëtare.
