Mediat amerikane raportojnë se presidenti Joe Biden i ka dhënë leje Ukrainës që të përdorë raketa amerikane dhe armë me rreze të gjatë për sulme brenda Rusisë.
Presidenti ukrainas, Volodymyr Zelensky, ka bërë thirrje prej muajsh për të hequr kufizimet për përdorimin e raketave me rreze të gjatë veprimi. Vendimi, i cili ende nuk është konfirmuar zyrtarisht nga Shtëpia e Bardhë apo Pentagoni, vjen në një moment kritik për Ukrainën kur forcat e saj në lindje janë nën presion të madh nga ushtria ruse, e cila po përparon në atë pjesë të frontit.
Sot, infrastruktura energjetike e Ukrainës ka qenë objektiv i sulmeve intensive me raketa dhe dron.
