Me një sipërfaqe prej 56.000 km katrorë, që është më pak se 0.6% e sipërfaqes totale të vendit, Zona e Gjirit të Madh të Kinës – e përbërë nga nëntë qytete të provincës Guangdong dhe të rajoneve speciale të Hong Kongut dhe Makaos – gjatë vitit 2023 gjeneroi një prodhim ekonomik mbi 14 trilionë juanë (rreth 1.95 trillion $), një e nënta e totalit kombëtar.
Zona, një nga më të hapurat dhe më dinamiket në Kinë, është gjithashtu ndër rajonet me cilësinë më të lartë të zhvillimit ekonomik.
Rrjeti i ndërlidhur i transportit
“Krahasuar me një udhëtim rraskapitës pesë-orësh me makinë në të kaluarën, udhëtimi im i përditshëm tani më merr pak më shumë se dy orë përmes rrjetit ndërqytetës,” tha për Xinhua një pasagjer me mbiemrin Xie. Ai punon në Guangzhou dhe jeton rreth 70 km larg në Foshan. Nëntë qytetet e Guangdongut në Zonën e Gjirit të Madh, kryejnë mesatarisht çdo ditë mbi gjashtë milionë udhëtime ndërqytetëse. Ekspertët besojnë se linja ndërqytetëse nxit ndërlidhjen, zhvillimin e koordinuar dhe qarkullimin efikas të burimeve në zonë.
Rritje me cilësi të lartë
Statistikat tregojnë se në vitin 2023, 20 grupet strategjike të industrisë në Guangdong, patën një rritje vjetore prej 5.2% në prodhimin e vlerës së shtuar, duke kontribuar me 40% në PBB-në totale të krahinës.
Midis tyre, tre industritë kryesore – kompjuterët, komunikimet dhe prodhimi i pajisjeve të tjera elektronike; prodhimi i makinerive dhe pajisjeve elektrike; industria e prodhimit të automobilave – panë rritje të vlerës së shtuar prej 3.6%, 8.8% dhe 11.2%, duke shërbyer si “stabilizues” për sektorin e prodhimit të Guangdong.
Lidhja e njerëzve dhe më gjerë
Në gjysmën e parë të vitit 2024, gjithsej 44.66 milionë udhëtime u kryen në Shenzhen nga banorët e Hong Kongut. Duke qenë se Hong Kongu ka një popullsi prej 7.5 milionë banorësh, kjo do të thotë se mesatarisht, çdo banor i Hong Kongut udhëtoi në Shenzhen gjashtë herë, që është afërsisht një herë në muaj për person. Ndërkohë mbi 680.000 njerëz vizituan Hong Kongun vetëm në tre ditët e fundit të janarit, nga të cilët 564.000 erdhën nga pjesa kontinentale e Kinës. Kjo përfaqëson një rritje vjetore prej 4%, raportoi hk01.com, një gazetë lokale lajmesh, duke cituar një zyrtar të Bordit të Turizmit të Hong Kongut. Qyteti gjithashtu dëshmoi një rritje prej 16% të vizitorëve nga jashtë pjesës kontinentale kineze, sipas zyrtarit.
