Poezi nga: Alejandro Jodorowsky
Përktheu: Dashnor Kokonozi
Jo fort e lehtë të plakesh
Të ecësh më ngadalë duhet mësuar
T’i thuash lamtumirë atij që ishim
E të mirëpresim ç’ka është shkruar.
I vështirë ky kalim i viteve
Të mësohemi duhet me fytyrën e re
Krenar të jemi për trupin që kemi,
Tutje turpin të shtyjmë,
Larg t’i rrimë frikës
Që ngjallin vitet që vijnë.
Atë që është nisur, lëre të vijë
Lërë të ikë atë që do të ikë
Lejo të qëndrojë atë që do
Me ne të rrijë.
Jo, nuk është e lehtë të plakesh
Duhet mësuar të mos presësh nga kush,
Të ecësh fillikat e të zgjohesh vetëm
Të mos befasohesh çdo mëngjes,
Nga burri a gruaja
Që nga pasqyra të sheh.
