Liderja e ekstremit të djathtë francez, Marine Le Pen është shfaqur gjithnjë e më shumë nga sondazhet si kandidatja më e fortë presidenciale për zgjedhjet e vitit 2027.
Në varësi të kundërshtarëve që mund të hipotezohen deri më sot, ajo do të merrte midis 36-38% të votave në raundin e parë.
Pak më pak se ajo do të merrte presidenti i Asamblesë Kombëtare, Jordan Bardella, i cili do të kandidonte nëse Le Pen do të ishte shpallur e papërshtatshme nga gjykata për aferën e falsifikimeve të vendeve të punës në Parlamentin Evropian.
Sipas sondazhit të Ifop, i kryer pas mocionit të mosbesimit që rrëzoi qeverinë Barnier dhe që u miratua falë votave të lideres Le Pen e ekstremit të djathtë, ajo do të merrte 36% të votave kundrejt ish-kryeministrit Edouard Philippe (25%) dhe madje 38% të tyre kundrejt ish-kryeministri tjetër, Gabriel Attal (20%).
Rezultati i Marine Le Pen po rritet vazhdimisht dhe është rritur me dy pikë në krahasim në të njëjtin sondazh në shtator.
Në të majtë, rezultati më i mirë do të fitohej nga Jean-Luc Melenchon, që megjithatë mbetet në kuotën e 12%, socialistët Olivier Faure dhe ish-presidenti François Hollande mbeten përkatësisht në kuotën 7%.
Nëse do të shfaqeshin bashkë si me Frontin e Ri Popullore, të katër kandidatët e majtë nuk do të kalonin 25%.
