Presidenti amerikan Donald Trump ka përsëritur se ekzistojnë vetëm dy gjini: mashkull dhe femër.
“Për katër vite të gjata, ne patëm një administratë që u përpoq të shfuqizonte vetë konceptin e gruas dhe ta zëvendësonte atë me ideologjinë radikale gjinore”, tha Trump.
Ai fajësoi ish-administratën e Bidenit për “shkatërrimin e hapësirave të grave”, përcjell Telegrafi.
“Ata madje u përpoqën të zëvendësonin fjalën nënë. Nëna u bë vetëm një person që lind”, shtoi presidenti amerikan.
Ai u kujtoi pjesëmarrësve se nënshkroi një urdhër ekzekutiv muajin e kaluar të titulluar “Mbajtja e burrave larg nga sportet e grave”, i cili synon të ndalojë gratë transgjinore të konkurrojnë në sportet e grave dhe vajzave.
“Pavarësisht se sa operacione keni apo kimikate injektoni, nëse lindni me ADN mashkullore në çdo qelizë të trupit tuaj, nuk mund të bëheni kurrë grua. Nuk do të jeni grua”, deklaroi Trump.
