Deputeti shqiptar në Parlamentin e Malit të Zi nga Malësia, Nikollë Camaj, njëherësh kryetar i Forumit shqiptar, ka përkujtuar ditën e bombardimeve të NATO-s kundër caqeve ushtarake serbe. T’i ruajmë miqtë tonë, duke u qenë mirënjohës përjetësisht, ka shkruar Camaj.
Postimi i plotë i tij në fb:
Si sot, 25 vite më parë, NATO filloi misionin shpëtimtar për shqiptarët e Kosovës. Ishte ky një akcion i imponuar nga mizoritë e militarëve dhe paramilitarëve të Sllobodan Milosheviqit, të cilët, në mënyrën më barbare po presekutonin një popull të tërë, duke bërë pastrimin etnik të Kosovës. T’i ruajmë miqtë tonë, duke u qenë mirënjohës përjetësisht! Lidhja Demokratike Shqiptare Forumi shqiptar
