Një tërmet i fortë me magnitudë 7.3 ka goditur pranë kryeqytetit të Vanuatu, Port Vila (një ishull në lindje të Australisë), duke dëmtuar edhe ndërtesa.
Sipas mediave të huaja, përcjell Telegrafi, tërmeti ndodhi në orën 12:47 me orën lokale në një thellësi prej 57.1 km, sipas Shërbimit Gjeologjik të Shteteve të Bashkuara (USGS).
Ai shkaktoi shkurtimisht një alarm për cunami në pjesë të kombit ishullor të Paqësorit, por zyrtarët thanë që nga ora 14:14 me kohën lokale se kërcënimi kishte kaluar.
Pamjet në mediat sociale tregojnë ndërtesa të shembura, makina të goditura nga panelet e rrëzuara dhe mobilje të shpërndara në dysheme brenda shtëpive.
Ambasada amerikane në Port Vila është mes ndërtesave të dëmtuara, sipas fotografive të publikuara në internet.
Zyrtarët amerikanë thanë se ndërtesa pësoi “dëmtime të konsiderueshme” dhe do të mbyllet deri në një njoftim të dytë.
