Pas një dekade në krye të NATO-s, Jens Stoltenberg do të zëvendësohet nga Mark Rutte i Holandës nga 1 tetori.
Së fundmi, Stoltenberg mbajti një fjalim lamtumirës ku tha se “Ukraina është më afër NATO-s se kurrë më parë”.
Bëhet e ditur se Sekretari i Përgjithshëm në largim i NATO-s, gjatë fjalimit u kërkoi vendeve anëtare të mbështesin vlerat themeluese të aleancës në një fjalim që reflektonte mbi mandatin e tij dhjetëvjeçar.
“Që kur mora detyrën time si Sekretar i Përgjithshëm në vitin 2014, bota rreth nesh ka ndryshuar thellësisht”, tha Stoltenberg.
Duke folur për Ukrainën, ai theksoi se vendi është më afër NATO-s se kurrë më parë, shkruan euronews, përcjell Telegrafi.
“Sot, presidenti Putin beson se mund t’i arrijë qëllimet e tij në fushën e betejës. Kjo është arsyeja pse ai vazhdon të bëjë luftën e tij brutale. Nuk besoj se mund ta ndryshojmë mendjen e Putinit. Por, unë besoj se ne mund të ndryshojmë llogaritjen e tij”, vazhdoi shefi i NATO-s.
Ndryshe, gjatë mandatit të Stoltenberg, NATO forcoi mbrojtjen e saj nga zero në dhjetëra mijëra ushtarë të gatshëm për luftim.
Stoltenberg do të largohet nga roli i tij si Sekretar i Përgjithshëm në fund të këtij muaji pas një dekade në krye të aleancës ushtarake.
Pas tij, NATO do të mirëpresë ish-kryeministrin holandez Mark Rutte si Sekretarin e Përgjithshëm të ri.
