Shkup, 22 prill – Drejtori i Shërbimit për çështje të përgjithshme dhe të përbashkëta, Ivica Tomovski, sot mbajti takim pune me përfaqësuesit e “Panairit të Shkupit” ku diskutuan për nevojën dhe rëndësinë e ndërtimit të kompleksit të ri të panairit në Shkup.
Në takim, siç njoftojnë nga SHÇPP-së u diskutua për mundësitë për vendndodhjen, kushtet infrastrukturore dhe inovacionet që do t’i bënin panairet e reja konkurruese në tregjet rajonale dhe ndërkombëtare.
“Kthimi i ‘Panairit të Shkupit’ në objektin e tij jo vetëm që do të ringjallë aktivitetin ekonomik, por edhe do të forcojë profilin rajonal dhe ndërkombëtar të Maqedonisë si qendër e rëndësishme tregtare dhe afariste”, deklaroi drejtori Tomovski, duke theksuar rëndësinë e kësaj iniciative për zhvillim të ekonomisë.
Daniela Gligorovska, drejtoreshë e “Panairit të Shkupit”, theksoi përparësitë e rinovimit të aktivitetit të panairit i cili tashmë prej vitesh nuk mbahet në objektin e saj.
“Panairet parashohin ngjarje kyçe për promovimin e produkteve dhe shërbimeve të Maqedonisë, si dhe krijimin e mundësive të reja për investime të huaja dhe bashkëpunim. Ndërtimi i një kompleksi modern të panairit do t’i hapë dyert për mundësi të reja dhe do të krijojë kushte për përforcimin e ekonomisë”, shtoi Gligorovska.
Në takim u dakordua që bashkëpunimi dhe mbështetja nëdrinsitucionale të vazhdojë edhe në periudhë që pason dhe më në detaje të shqyrtohen të gjitha aspektet dhe mundësitë për ndërtimin e objektit të ri për nevojat e manifestimeve të panairit.
