Ruben Amorim dha një përgjigje të shpejtë kur u pyet për ta shpjeguar arsyen pse Marcus Rashford nuk po luan për Manchester United.
United pësoi humbjen e gjashtë në Ligën Premier nën urdhrat e trajnerit të ri Ruben Amorim të dielën, pasi pësuan me rezultat 3-1 ndaj Brightonit në shtëpi.
Siç ka qenë i njëjti rast edhe në disa ndeshje, Rashford nuk ishte pjesë e lojtarëve të ftuar mes thashethemeve se do të largohet nga klubi këtë muaj.
Dhe Amorim nuk hezitoi për ta shpjeguar saktësisht se pse ai po e lë vazhdimisht Rashfordin jashtë listës së të ftuarve për ndeshjet e Unitedit.
Muajin e kaluar, Rashford tha në një intervistë se është i hapur të largohet nga klubi i fëmijërisë dhe të pranojë një sfidë të re diku tjetër. Pas ndeshjes së të dielës, Amorim shpjegoi se këto fjalë kanë bërë që Rashford të mungojë tek Unitedi, pasi sulmuesi dhe tekniku portugez mendojnë se është më mirë që ai të kalojë më shumë kohë larg skuadrës.
“Rashford është jashtë momentalisht sepse ai nuk po luan. Pa marrë parasysh çfarë, unë nuk do ta vendos një lojtar që unë nuk besoj se është i mirë për skuadrën”.
“Është zgjedhja e tij. Nuk dua të fokusohem tek ky moment i keq sepse në ndeshjet që kemi humbur, Rashford nuk ishte aty. Nuk dua ta hedhë këtë tek Rashford”, ka thënë Amorim.
Paraqitja e fundit e Rashford për Unitedin erdhi më 12 dhjetor në udhëtim ndaj Viktoria Plzen në Ligën e Evropës.
