Sekretari amerikan i Shtetit, Marco Rubio ka thwnë se El Salvadori ka pranuar të pranojë të dëbuarit amerikanë të çdo kombësie – si dhe kriminelët e dhunshëm amerikanë që aktualisht janë prapa grilave në vendin e tyre.
Ndërsa ishte në një vizitë në El Salvador, Marco Rubio tha se presidenti Nayib Bukele ishte “pajtuar për marrëveshjen më të paprecedentë dhe të jashtëzakonshme të migracionit kudo në botë”, transmeton Telegrafi.
“Ai ka ofruar gjithashtu të bëjë të njëjtën gjë për kriminelët e rrezikshëm që aktualisht janë në paraburgim dhe vuajnë dënimin e tyre në Shtetet e Bashkuara, edhe pse ata janë shtetas të SHBA ose banorë të ligjshëm”, shtoi Rubio.
El Salvadori në fakt po përdoret si një “vend i tretë i sigurt”. Zyrtarët sugjeruan më parë një marrëveshje e tillë mund të ishte një opsion për anëtarët e bandës venezueliane të dënuar për krime në Shtetet e Bashkuara, nëse Venezuela refuzon t’i pranojë ata.
Pasi Rubio bëri komentet e tij, një zyrtar amerikan tha se ndërsa oferta e Bukele ishte e rëndësishme, administrata Trump nuk kishte plane aktuale për të tentuar të dëbonte qytetarët amerikanë.
Qeveria e SHBA-së nuk mund t’i dëbojë ligjërisht qytetarët amerikanë nëse ata nuk shkelin ligjin për t’u bërë shtetas ose kanë kryer tradhti. Megjithatë, dikush të cilit i është dhënë qëndrimi i përhershëm në SHBA, mund të dëbohet për krime të caktuara.
Aktivistët e të drejtave të njeriut kanë pohuar se El Salvadori nuk ka një politikë të qëndrueshme për trajtimin e azilkërkuesve dhe refugjatëve.
Në vitin 2023, El Salvadori hapi një “mega burg” si pjesë e një goditjeje ndaj krimit dhe bandave.
“Qendra e izolimit të terrorizmit” në Tecoluca u përfundua në shtatë muaj dhe mund të mbajë 40,000 të burgosur.
Rubio – deri vonë një senator nga Florida – mbërriti në El Salvador pasi pa vëzhgoi nga afër procesin e dëbimit të financuar nga SHBA, duke u larguar nga Panama City për në Kolumbi.
Aeroplani i mbante 43 emigrantë të ndaluar nga autoritetet panameze pasi kaluan ilegalisht Darien Gap nga Kolumbia.
Deportime të tilla dërgojnë një mesazh parandalimi, tha Departamenti Amerikan i Shtetit.
“Migrimi masiv është një nga tragjeditë e mëdha në epokën moderne”, tha Rubio.
“Ajo ndikon në vendet në mbarë botën. Ne e kuptojmë se shumë nga njerëzit që kërkojnë migrim masiv janë shpesh viktima dhe viktimizohen gjatë rrugës, dhe kjo nuk është e mirë për askënd”, shtoi ai.
