Për të kremtuar Vitin e Loong-ut, rrjeti televiziv global i Kinës CGTN organizoi një edicion special të Gala-së së Festës së me titull “Super Nata”, në vigjilje të Vitit të Ri Kinez, duke paraqitur një gamë të ndryshme pjesësh të mrekullueshme për shikuesit dhe publikun global.
Sipas të dhënave statistikore, transmetimi ndërkombëtar i kësaj galaje shënoi rekord të ri.
Ndërmjet kanaleve televizive të CGTN-it në pesë gjuhë të huaja që janë përkatësisht anglishte, spanjishte, frëngjishte, arabishte dhe rusishte, si edhe platformave të tij në mediet e reja në 68 gjuhë, Super Nata CGTN u transmetua drejtpërdrejt ose u takua në forma të ndryshme me audiencën e huaj nëpërmjet më shumë se 2100 mediave nga mbi 200 vende e rajone në gjashtë kontinente, duke tërhequr mbi 649 milionë lexime dhe mbi 210 milionë shikime. Gjithashtu, më shumë se 3 000 “ekrane jashtë Kinës” në 90 qytete të 49 vendeve e transmetuan drejtpërdrejt Super Natën CGTN.
Galaja e Festës së Pranverës është një ngjarje e madhe kulturore për të gjithë kinezët gjatë kremtimit të Vitit të Ri. Galaja, që nga fillimi i saj në vitin 1983, është përfshirë në librin e rekordeve botërore “Guinness” si programi më i ndjekur në botë me miliarda shikues çdo vit.
Festa e Pranverës këtë vit bie më 10 shkurt. Ky është Viti i Loong-ut sipas kalendarit hënor kinez me 12 shenja zodiaku. Shenja Loong(dragua kinez) simbolizon frymën e përparimit të fuqishëm, trimëri dhe begati.
Super Nata e CGTN-it 2024
