Njoftohet se Departamenti amerikan i Shtetit e “përditësoi” paraqitjen për gjendjen e përgjithshme të Tajvanit në uebsajtin e vet, duke hequr fjalët e mëparshme për mosmbështetjen e pavarësisë së Tajvanit.
Zëdhënësi i Ministrisë së Punëve të Jashtme të Kinës Guo Jiakun, nënvizoi se ka vetëm një Kinë, Tajvani është pjesë e Kinës dhe qeveria e Republikës Popullore të Kinës është e vetmja qeveri e ligjshme që përfaqëson të gjithë Kinën. Ai theksoi gjithashtu se ky është një konsensus i përgjithshëm e një normë bazë në marrëdhëniet ndërkombëtare, si edhe një premtim solemn që ShBA-ja ka bërë në tre komunikatat e përbashkëta kino-amerikane.
Zëdhënësi i diplomacisë së Kinës theksoi se rishikimi i paraqitjes së gjendjes së përgjithshme në Tajvan i bërë nga Departamenti amerikan i Shtetit në uebsajtin e vet është një regres i rëndë në qëndrimin e tij mbi çështjet e lidhura me Tajvanin dhe u ka dërguar një sinjal tepër të gabuar forcave separatiste të “pavarësisë së Tajvanit”.
