Liverpool është detyruar të marrë masa drastike pasi një prej yjeve të tyre të rinj po ‘terrorizon’ lojtarët e ekipit të parë në stërvitje.
Të shtunën, ‘Të Kuqtë’ luajtën ndeshjen e tyre të parë miqësore të parasezonit, duke mposhtur Preston North End me rezultatin 3-1.
Për shkak të mungesave të disa lojtarëve të ekipit të parë, iu dha mundësia disa talentëve nga akademia.
Midis tyre ishte talenti 16-vjeçar Rio Ngumoha, që u bashkua me Liverpoolin nga Chelsea vjet.
Vetëm 16 vjeç e 135 ditë, ai u bë lojtari më i ri që nisi ndeshje me ekipin e parë në një përballje të rrethit të tretë të FA Cup kundër Accrington Stanley në janar.
Dhe Ngumoha tregoi se është përmirësuar edhe më shumë gjatë shtatë muajve të fundit, me një paraqitje tjetër mbresëlënëse të shtunën.
Që prej janarit, ‘Anfield Watch’ raportoi se Ngumoha po ‘terrorizon’ lojtarët e ekipit të parë me aftësitë e tij, që kur u thirr në stërvitjet me skuadrën e parë nga trajneri Arne Slot në tetor 2024.
U shtua se Slot dhe stafi i tij i trajnerëve ishin ‘mahnitur’ nga performancat e adoleshentit, dhe se Liverpool kishte nisur të fshinte pamje të Ngumohas nga seritë e tyre të videove online, ‘Inside Training’.
Raporti thekson se Liverpooli po menaxhon me kujdes pritshmëritë ndaj talentit, megjithatë vëmendja ndaj fenomenit do të rritej ndjeshëm nëse ai vazhdon të luajë në parasezon.
Sipas gazetarit David Lynch, Liverpool po përgatit një kontratë të re për Ngumoha kur ai mbush 17 vjeç muajin e ardhshëm, dhe mbetet për t’u parë nëse ai do të ushtrojë një rol më aktiv me ekipin e parë sezonin e ardhshëm.
