Të paktën pesë persona kanë vdekur dhe dy janë të zhdukur pas një shpërthimi në një minierë në veri të Spanjës, thonë zyrtarët.
Shpërthimi ndodhi në minierën Cerredo në Degaña, Asturias, rreth 450 km (278 milje) në veri-perëndim të Madridit rreth orës 09:30, shkruajnë mediat e huaja.
Shërbimet lokale të urgjencës thanë se ata ishin thirrur për një “problem me një makinë” në minierë.
Të paktën katër të tjerë u lënduan dhe po punohet për gjetjen e punëtorëve të zhdukur.
Në vendngjarje janë dërguar ambulancat, shërbimet e zjarrfikëses dhe shpëtimit.
Brigada e shpëtimit të minierave ka vendosur gjithashtu njësinë e saj të qenve.
Presidenti i Asturias, Adrián Barbón urdhëroi dy ditë zie në rajon.
Plani i mbrojtjes civile të rajonit, i krijuar për të kontrolluar emergjencat, u aktivizua në nivelin më të ulët.
Kryeministri i Spanjës, Pedro Sánchez u ka dërguar ngushëllimet e tij familjeve të viktimave.
“I uroj shërim të shpejtë të lënduarve”, ka shkruar ai në X.
