Izraeli vrau të paktën 112 palestinezë të enjten në Gaza, duke e bërë ditën më vdekjeprurëse që nga rifillimi i ofensivës më 18 mars.
Gjithashtu, forcat izraelite kryen sulme ndaj tre shkollave në Gaza, ku u vranë të paktën 33 persona, përfshirë 18 fëmijë.
Palestinezët e zhvendosur kishin përdorur shkollat si strehimore, ndërsa ushtria izraelite lëshoi një urdhër për banorët e disa lagjeve në qytetin e Gazës që të largohen nga shtëpitë e tyre.
Ndërkohë, kryeministri izraelit, Benjamin Netanyahu, pritet të vizitojë së shpejti Shtetet e Bashkuara për të diskutuar situatën e rëndë në Gaza, konfirmoi presidenti amerikan, Donald Trump gjatë një udhëtimi me aeroplanin Air Force One.
“Fola me të sot dhe mendoj se do të vijë në vendin tonë në një të ardhme të afërt, ndoshta që javën e ardhshme”, tha para gazetarëve Trump.
Ai theksoi rëndësinë e gjetjes së një zgjidhjeje për problemin në Gaza, duke e cilësuar atë si një çështje shumë të rëndësishme.
“Shumë njerëz po vdesin në Gaza. Po ndodhin shumë gjëra të këqija. Do të shohim çfarë mund të bëjmë në lidhje me këtë”, tha lideri amerikan.
Ndryshe, Trump dhe Netanyahu pritet të diskutojnë mbi përpjekjet për arritjen e paqes dhe stabilitetit të qëndrueshëm në rajon.
