Presidenti ukrainas Volodymyr Zelensky tha se kërkesat amerikane për kthimin e 500 miliardë dollarëve si pjesë e një marrëveshjeje mineralesh nuk janë “një bisedë serioze”, por thotë se do të punojë për një “dokument serioz” nëse ai përmban garanci sigurie.
I pyetur se çfarë do të siguronte garancitë më të mira për Ukrainën, Zelensky theksoi se “NATO është garancia më e fortë”.
Donald Trump është “i bllokuar në një flluskë dezinformimi”, tha Zelensky këtë mëngjes pasi SHBA-të duket se fajësojnë Ukrainën për fillimin e luftës.
Duke folur në një konferencë shtypi, udhëheqësi ukrainas tha se po sheh “shumë dezinformata” nga Rusia.
“Me gjithë respektin e duhur për presidentin Donald Trump si lider, ai po jeton në këtë hapësirë dezinformimi”, tha ai.
“Meqë po flasim për 4 për qind, ne e kemi parë këtë dezinformim, e kuptojmë që vjen nga Rusia”, shton ai.
Komentet vijnë pasi Trump pretendoi se Zelensky kishte një vlerësim prej 4 për qind të miratimit në Ukrainë.
Duhet të theksohet se vlerësimi i Zelensky është në fakt rreth 50 për qind, që është i ngjashëm me atë të Trump.
