Tiranë, 5 prill argument.mk/ – Një zjarr ka rënë në zonën e njohur si “9-katëshet” në Tiranë, ku flakët kanë përfshirë një pallat banimi, duke shkaktuar panik tek banorët.
Sipas informacioneve paraprake, zjarri është përhapur me shpejtësi në një nga katet e ndërtesës, ndërsa ende nuk dihen shkaqet e rënies së tij.
Në vendngjarje kanë mbërritur forcat zjarrfikëse, të cilat po punojnë për shuarjen e flakëve dhe izolimin e zjarrit.
Deri më tani nuk ka të dhëna për persona të lënduar, ndërsa autoritetet po vijojnë hetimet për zbardhjen e plotë të ngjarjes.
