Një zjarr shpërtheu në sistemin e ftohjes së termocentralit bërthamor të Zaporizhia për shkak të sulmit nga Ukraina, por nuk ka pasur asnjë rrezik për funksionimin e termocentralit. Aktualisht zjarri është shuar plotësisht dhe sipas kompanisë ruse të energjisë bërthamore Rosatom, një kullë ftohëse në termocentralin e Ukrainës Zaporizhzhia ka pësuar “dëmtime serioze”. Kompania ruse Rosatom e cilësoi sulmin si një akt të terrorizmit bërthamor.
“Sulmi i ushtrisë ukrainase në termocentralin bërthamor të Zaporizhzhia mund të quhet një akt i terrorizmit bërthamor. Ne tërheqim vëmendjen tuaj për faktin se sulmi është nisur kundër pajisjeve të termocentralit bërthamor, i cili supozohet të ftohë ujin e termocentralit në modalitetin standard të funksionimit. Prandaj, ky sulm mund të quhet akt i terrorizmit bërthamor nga autoritetet ukrainase”, tha në një deklaratë kompania bërthamore ruse Rosatom, e cila shtoi se “për një kohë të gjatë regjimi ukrainas është përpjekur sistematikisht të kryejë sulme kundër termocentralit bërthamor Zaporizhzhia dhe qytetit të Energodar”. ”
Yevgeniy Balitskiy, i ashtuquajturi Guvernatori Rajonal i Zaporizhias i aneksuar nga Rusia, në deklaratën e tij me shkrim ku dha informacion për situatën në Zaporizhia, tha se zjarri shpërtheu në sistemin e ftohjes në Zaporizhia për shkak të sulmit të kryer nga ushtria ukrainase me zjarr artilerie. Sipas tij “6 njësi në termocentralin janë në gjendje të ftohtë dhe nuk ka asnjë shpërthim apo tjetër rrezik”.
Drejtori i përgjithshëm i Agjencisë Ndërkombëtare të Energjisë Atomike (IAEA), Rafael Mariano Grossi, siguroi nga ana e tij se “nuk ka asnjë ndikim në sigurinë bërthamore” pas asaj që ndodhi në uzinën e Zaporizhzhia.
Sipas presidentit ukrainas Volodymyr Zelensky, zjarri në uzinë u ndez nga “pushtuesit rusë”.
Termocentrali bërthamor Zaporizhia në Ukrainën juglindore është termocentrali më i madh bërthamor në Evropë. Ai u kap nga rusët në mars 2022 dhe nëse sulme rreth termocentralit, i cili aktualisht është nën kontrollin e ushtrisë ruse, Ukraina dhe Rusia fajësojnë njëra-tjetrën.
