Ministrja e Jashtme gjermane, Annalena Baerbock ka mbërritur në Kiev në shenjë mbështetjeje për Ukrainën, në një vizitë që nuk ishte paralajmëruar më parë për arsye sigurie.
Në fillim të vizitës së saj të sotme të lamtumirës në kryeqytetin ukrainas, ministrja e Jashtme në largim paralajmëroi Shtetet e Bashkuara që të mos bien pre e taktikave të presidentit rus Vladimir Putin në negociatat e armëpushimit.
”Gjermania ka dhënë 130 milionë euro shtesë (140 milionë dollarë) në ndihma humanitare dhe fonde stabilizimi për Ukrainën në përgjigje të sulmeve të vazhdueshme ruse”, shtoi Baerbock.
Ky është udhëtimi i nëntë i Baerbock në Ukrainë si ministre e Jashtme që nga fillimi i pushtimit rus, në shkurt 2022.
Ka të ngjarë të jetë ajo e fundit si ministre e Jashtme si Gjermania, me negociatat që po zhvillohen në Berlin për një qeveri të re koalicioni pas zgjedhjeve në shkurt.
Ajo është nominuar edhe për presidencën e Asamblesë së Përgjithshme të Kombeve të Bashkuara.
